Description

Pasian huhna tawh Voice Horn Bill Thu Kaihkhop “ Zomi Tangthu Tuamtuam” hawmkhia kikzo i hih manin i lungdam a, Topa Pasian tungah lungdamna i ko masa hi. Hibang laibuhoih hong piankhat theihna dingin thungetna a kipan vaituamtuam tawh hong panpih mimal kim tungah lungdamna kongko uh hi.

“Zomi Tangthu Tuamtuam” bulphuh in a kigelh hih laibu pen leitungbup Zomi khempeuh adingin mannei-in, Pasianthu leh leitungthu ah hamphatna tampi hongpia dingin lametna ka nei uh hi. Hih laibu sungah Zomi te tangthu atheihhuai leh a ciapteh huai te hi a, Zomipih te in agelhsa thu amangthhaang loh nadingin ngaihsut natawh a kibawl a hihi.

Hih laibu hong piankhiat theihna dingin, adiakdiak in lai hong etdik sak Voice Of Horn Bill Tanu te tungah lungdamna lianpi i ko hi. Tua banah laibu hong simsak mimalkim tungah zong lungdamna kongko uhhi. Zomite simtheih ding leh Zomi ten thumanpha ahi “ Zomi tangthu tuamtuam” thumanphate a khawnkhong in itna leh veina takpi tawh gelhkhia a, i minam it akua maciat tungah lungdamna lianpi kong ko uh hi.

Voice Of Hornbill in Zomi Lai atsiam te lai atsa te kaikhawm in laibu dan in kibawl kikpah zoding cih ka lamen uh hi. Leitung mun tuamtuam aom Zomipihte khempeuh lampikhat teitei panin hih laibu in phattuamna hong pia ding cih upna leh lametna lianpi ka nei uh hi. Laisim mimalkhat kimciat Topa Pasian in leitung pilna thupha leh vantung pilna thupha hong pia kimciat tahen.

Pa Pau Go Mang

Voice Of Hornbill

Additional Information

0 Reviews for Zomi Tangthu Tuamtuam